亞洲足協杯：2010年4月27日星期二，南華對馬爾代夫－飛航模式

標題:

亞洲足協杯：2010年4月27日星期二，南華對馬爾代夫

發問:

亞洲足協杯：2010年4月27日星期二，南華能否大勝馬爾代夫VB競技？（因會影響南華能否首名晉級16強）

最佳解答:

我覺得南華可以贏到波,但係唔可以大勝,只可以小勝,點解我會咁講呢?請睇下小弟ge一d見解。首先,南華唔能夠以最強陣容出戰,T史,郭建邦,陳偉豪都要下場停賽,加上陳7有傷,就算陳7可以好番上到陣,佢ge狀態都唔係百分百la。加上,呢場波可以講得上係vb競技決定生死ge一戰,正常黎講,蒙通聯對佩西瓦,蒙通聯係贏硬ge,咁蒙通聯就篤定出線la,如果vb競技又贏唔到南華ge話,咁vb競技就出局la,所以vb競技一定要贏波,佢地ge爭勝心一定唔會比南華低。但係,南華有主場之利,佢地o係主場踢ge實力係高好多架,加上佢地同vb競技對賽往績都唔差,佢地最近三次對賽,南華只係輸左一次,上場輸波亦都只係因為何國泉ge低級失誤,如果唔係分分鐘唔駛輸tim,信心上應該佔優,況且,如果南華要出線,只係和波就得(當然佢地真正ge目標係首名出線la),壓力相對冇咁大。最後,o係T史缺陣,陳7狀態未必好好,巢鵬飛實力有限,ge情況下,南華陣中只有里奧一個前鋒係掂ge,入球能力非常有限,佢地ge中場線又冇咩勁人,後防又冇理由成日走上黎助攻,所以佢地ge入球能力可以話係非常有限。可能只可以靠一兩個關鍵入波黎ko對手,大勝可能性甚低。以上係小弟ge一d個人見解,當中可能有d錯漏,請大家唔好見怪。